Në vijim të aktiviteteve ndërkombëtare të zhvilluara nga World Jurist Association dhe World Law Foundation, Hyseni & Associates anëtarësohet në Euro Latam Lex në këtë rrjet të kompanive ligjore lider.

Z. Alket Hyseni, President i Hyseni and Associates dhe Drejtor i Straife Balkan ishte pjesë i një prej paneleve më të rëndësishme të Kongresit EURO LATAM LEX të mbajtur në Madrid, me temë "Mundësitë e Biznesit Lokal". Si një nga folësit e këtij paneli ai u ndal te mundësitë që Shqipëria ofron për biznesin si dhe reformat e rëndësishme të zbatuara gjatë këtyre viteve, veçanërisht në fushën e drejtësisë, investimeve të huaja dhe dixhitalizimit të shërbimeve publike.

Përgjatë këtij kongresi z. Hyseni pati kënaqësinë të takonte sërisht z. Javier Cremades, President i World Jurist Association, President i EURO LATAM LEX, President dhe Themelues i Cremades & Calvo – Sotelo Law Firm; znj. Angela Montoya, CEO i World Law Foundation; z. Jose Antonio Carnevali, Drejtor i EURO LATAM LEX.